Tuarna phena malsawmna

Lalpa, khawvelah hian lei malsawmna zawng hlu hle mah se, I hmel eng hliahtu an chang leh thin; Tlakchhamna erawh chuan i hmel min hmuh tir thin, Malsawmna thuruk van manna ka chhar thin. I hming fakin ka zai zel ang, Ka dam chhung reiloteah hian; Ka thlang zawk e, thildang ai pawhin, Tuarna phena malsawmna awm chu. Damloh, manganna te'n ka lei nun hi chim vel mah se, Lungngaih, beidawna lo thleng sela; Chhungril a muang si thin ka tan i rinawm zia, I tarlang zel thin, min thlahthlam ngai lo. Sawichhiatna karah pawh ka tan ni angin a eng thin a, Thlarau mitdel min tivar si a; Mi te'n hrethiam lo vin min do thin mah se, Ka nunna Lalpa'n min phatsan ngai lo.