Lungawina kim

Mangang leh lungngai kunin, Hrehawmin ka vel bawm se; Khawvelah lawmna tur hmu lo mah ila, Ka Lalpa hmel eng ka thlir a, Tahchuan beiseina leh hlimna, Chatuana lungawina kim ka chhar dawn si. Engpawh thleng se lungawi ka zir ang, Rethei leh hausaa awmdan thiam turin; Chaklo mah ila amah a chak ka hria, Min tichaktuah chuan engkim ka ti thei. Chatuan lungpuia insa chu, Thlipuite lo hrang mahse; Tuilian leh ruahpuin nuai vel thin mahse, Harsatnaten a hneh thei lo, Thlemna pawhin a ngam thei lo, Kristaa innghat ringtu a nghing ngai lo. Lungawilohna khawvelah hian, Lungawina ka chhar ta e; Krista thisen lungawina kim a ni e, Ka Lalpa hmel eng ka thlir a, Tahchuan beisei leh hlimna, Chatuana lungawina kim ka chhar dawn si.