Lalpa ka mamawh che

Ka rawl lai hun leh ka chak lai ni, ka vanglai hun leh kum zawngte kha, I tan pe phal lo vin Lalpa, ka duhdanin ka hmang ral thin; Ka chakna thahrui leh theihna chhuangin Nang ka mamawh ngai lo che a, Mahse, ka vanglai hun a lo liam a, chakna tlemte chauh ka nei ta, Ka damchhung kum te a lo tamin Lalpa ka lo mamawh che. Aw, lo hnai rawh Lalpa, nang ka ngai che, Ka thla a ngam thei lo khawvelah hian; Chawlhna daihlim leh muanna ka hmu zo lo, Min hnar suh la, i hnen ka rawn pan che, Ka damlai ni te a kin hunin i ram mawiah min hruai rawh. Ram ropui leh thiltihtheite pawh an ral leh thin khawvelah hian, Mi ropui leh mi hmingthangte kha dairial changin an tham ral thin; Ka khualzin kum leh ka dam chen tur engtiang nge ni dawn ka hrethiam si lo, Ka hringnun par vul a lo chuai ang a ka tawpna ni a lo thlenin, Ka kiangah awm reng rawh, Lal Isu, nang chauh ka mamawh che. I chun leh zua leh i thian duh ten sirah hnawlin hnutiang an chhawn che maw? I hmangaih ber i nghahna chuan puan ang hnawlin a phatsan che maw? Rairah vangai i chi hian leng te hmuhsit leh diriam i tuar thin em? Mahrika damchhung nun khawhar hmangin hmangaihatu reng i tawng lo em ni? Eng lai pawha nangmah thlir reng tu Isua'n a hmangaih che.