Ka pawnlam lan dan

Ka pawn lam lan dan hi mawi in lang ṭhin mahse, Chhungril erawh Lalpa i hmuhfiah kha i hria; A bawlhhlawh zia hre reng chung si hian, Engtin nge maw min la enkawl duh a, Mal min la sawm duh le? I van I kut chhuak mawi tin leh I thilsiam ropui ten, I ropuizia nitin mai hian an puang ṭhin a; Kei erawh zawng Lalpa engmah lo mai ni mah ila, Nang meuh ka fak thei hi Lalpa ka van lawm em. Uire nu ngaihdam khan nang lo a thlang tawh lo, Kei erawh chuan vawitam ka phatsan che Lalpa; Thinlung chhungril ber pawh hmu tu khan Engtin nge maw min la hmangaih theih a, Ka tan i tuar duh le? Hahchawlh na tur zawnga kawng dang ka zawh ve pawn, He thinlung hian a hlat ngam silo che Lalpa; A tawp ah chuan nang chauh lo hi zawng, Min muantu tur eng dang an awm theilo, Nang lo an awm silo.