Indona

Indona zawnga rapthlak ber ka nun hi, Leh lam lehlamaa nek sawrin a awm a; Van indona aia nasa zawk a ni, Hruaitu Krista ni suh se ka tlawm ngei ang. Krista min hruaitu hnehtu Lal ropui chu, Ka chakna leh ka thiltihtheihna a ni, Ka zam ngai lo'ng Setan ral hma-ah Hnehna chu ka ta a nih ka hria. Lehlam lehlama lungawi tuma nun hi, Mahni himna tura tih ni mahsela; Chhiatna zakhua thlentu mai a lo ni si, Tuilairapa awm an ding chhak ngai lo ve. Aw ka nun rimchhia hi ka va han ning tak em! Mahni chu inpawm hram hram thei mah ila; Thianghlimna Pathian chuan a thei ve si lo, Min ti thianghlimtu Lal thisen i tel lo chuan. Ka lawm e Lalpa i thisen vangin, I ang chhungah ka muang (lungsiin) Ka tan i hlu thildang zawng aiin, Ka Lalpa thisen, Min tithianghlimtu.