I sim loh chuan

Valmawi, i sakhmelmawi a chuai zo ta, Thliah hnu chhawl ang a uai i sakruang par; Rinawm, hmangaihna te hnutiang chhawngin, Ziatlal kei ang rengin i hrang ta maw? Luaithli a nul, lunglam a vai ruai e, I chul, i thamral tur a phal thei lo; I nun, i kalsiam rel i sim loh chuan, Rem hian a ring mawlh lo lendun. "Bawihte, ka ngai ber che" i tih thin kha, Mangan, buaina, retheih, thlafam tumkawpah; Ruihhlo i bel ta maw, i ngai zawk maw, Valmawi, i dawn sual e, i thlang sual e. Ruihhlo hnutiang chhawnin kir leh la e, Suihlung rual nite zawng kha chhui duhin; In hril hmangaih run nuam chhu rem ve la, Chutin duhai in sam a kim tawh ang.